Sparen, Anlagen...  

Moien,

also ech hunn virun kuerzem ugefangen mat schaffen an momentan sinn ech am gaangen ze kucken wat ech mat meng Suen maachen soll.

A) Hunn mir iwwerluet een Altersversuergung an een Bausparvertrag opzemaachen, eben nëmmen wéinst dënnen Steiervirdeeler.

2000€ (netto/Monatlech) - 125€ (S-Pensioun) - 56€ (Bausparvertrag) = 1819€ Am Schluss vum Joer kommen ech dann op 1500€ (S-Pensioun) an 672€ fir den Bausparvertrag déi ech vun den Steieren kann erofsetzen.

- Meng éischt fro ass: Wat hält dir dovun? Maachen ech do een groussen Fehler?

- Meng zweet fro ass: Wat soll ech nach mat 50% - 60% vum Gehalt nach maachen?

Ech well dass déi Suen "schaffen", ass een S-Invest do am beschten? oder soll ech déi Suen léiwer am Sparkonto progress maachen? oder ginn et do nach aner Ideeën?

B) Ech hunn zwee Konten (Spuerkees):

1) Girokonto - Zënsen 0,25% - 0,50% 2) Sparkonto progress (+70000€) - Zënsen 1,25% - 1,50%

- Meng drëtt fro ass: Girokonto ass daat een Tagesgeldkonto?

Zënsen déi ech momentan am Girokonto hunn = 0,25% - 0,50% ech fannen dat ass net vill, wann ech am Internet kucken do kréien eis Noperen an Däitschland vill méi mam Tagesgeldkonto (+1,00% bis 2,50%). Wat kéint ech hei änneren?

- Meng véiert fro ass: Den Sparkonto progress leeft bis meng 35 Joer, soll ech déi do loossen bis dohin oder gëtt et eng besser alternative?

Ech hat schonn een Rendezvous mat enger Beroderin an si huet mir alles gudd erklärt, mä wollt awer nach är Meenung hei wëssen. Ech hoffen dir kennt mir hëllefen.

Merci.